სელფის შედეგები

    სელფი კითხვერებიდან მიღებული ინფორმაცია დაგვეხმარა ციფრული ტექნოლოგიების გამოყენების კუთხით სკოლის მდგომარეობის დასადგენად. მისი საშუალებით ნათელი გახდა სკოლის ძლიერი და სუსტი მხარეები. სელფის რეპორტიდან გამომდინარე განვიხილეთ რომელ სფეროში გადაიკვეთა მასწავლებლის, მოსწავლისა და დირექციის მოსაზრებები. გამოიკვეთა თუ რა მიმართულებით უნდა იმუშაოს სკოლამ რათა სწავლა-სწავლება უფრო ეფექტური გახადოს ციფრული ტექნოლოგიების მიმართულებით.
    მონაცემების დაფიქსირებისთანავე დადგინდა  მინიმალური მონაწილეობის ზღვარი, როგორც სკოლის ლიდერების ასევე მასწავლებლებისა და მოსწავლეებისთვის მითითებულ საფეხურზე.  მიუხედავად იმისა რომ სელფის გამოკითხვებში მოხდა მცირედი ცდომილება, მაინც გამოიკეთა ძირითადი მიმართულება რაშიც სკოლა საჭიროებს გაძლიერებას. მართალია მოსწავლეები ფლობენ ციფრულ ტექნოლოგიებს, თუმცა არამიზნობრივად იყენებენ მათ და ამ კუთხით საჭიროა ქმედითი ღონისძიებების დაგეგმვა.

სელფის მნიშვნელობა და მისი დადებითი მხარე

თავდაპირველად დავარეგისტრირეთ სკოლა სელფის პლატფორმაზე. სელფის განსახორციელებლად შევარჩიეთ დრო. შევარჩიეთ საფეხური თუ ვინ მიიღებს მონაწილეობას სელფის გამოკითხვაში. სკოლის კოორდინატორმა მოსწავლეებს, მასწავლებლებს და სკოლის ლიდერებს მიაწოდა შესაბამისი ლინკები სელფში ანონიმურად მონაწილეობის მისაღებად.
    მას შემდეგ რაც მონაწილეებმა კითხვებზე დაასრულეს მუშაობა, სელფი რეპორტი დავაგენერირეთ ჩვენი სკოლისთვის, სადაც ვიზუალურად გაფორმებული და ინტერაქტიური გაერთიანებული შედეგები გამოჩნდა.
სწორედ ეს შედეგები დაგვეხმარა შემდეგი ნაბიჯების დასაგეგმად, კერძოდ გამოვიყენეთ მოსწავლეებთან და პედაგოგებთან დიალოგის დასაწყებად თუ როგორ უწყობს ხელს ტექნოლოგიები სწავლა-სწავლებასა და მოსწავლეთა შეფასებას ჩვენ სკოლაში. ყოველივე ეს კი დაგვეხმარა სამოქმედო გეგმის ფორმულირებასა და პრიორიტეტების განსაზღვრაში.